Ville de Crest

Conèisser la vila

Sandrine — 2008-11-13T21:44:05Z

Localitat : Crest (en OCCITANIA)

Populacion : 8074 abitants

Abitants : los crestés

Côde postau : 26400

despartament : Droma

Region : Ròse-Aups

Nautor : 195 mètres

Particularitat : vila de l'atge meian

EstenduÁ de la comuna : 2338 ectaras

DE VEIRE :

lo donjon lo mai naut en França

lo pònt de bòsc lo mai long en França.

ESPECIALITATS CULINARIAS :

La Cova

La Desfarda VILAS BESSONAS

CROMER(ingleterra)

NIDDA (alemanha)

PONTE SAN NICOLO(itali´)

10. Istòria

Sandrine — 2008-11-13T21:44:03Z

L'istòria de Crest debuta a l'iatge-meian. Bastiá au secle detzen per la familha daus Arnaud, la torre, mai naut donjon de França (52m), quilhaa sus una cresta de rochàs que a bailat son nom a la vila, agacha un daus rares accès de las montanhas dromèsas. Dau sègle dotzen au ségle quatorzen, los comtes dau Valentinés e los avesques de Diá se faguèran la guèrra que se ditz : « daus episcopaus »

Crest es partejaa en doas parts : lo chastel d'en naut (qu'es nòstra torre) e lo borg daus avesques. Fin finala, los comtes ganhan quèla guèrra en 1356, e ansin liian los dos chastèus que fan plus qu'una fortalesa. Ne'n veièm encuei sonque l'entorn fach de muralhas e de rochàs. La torre que Lois XIII vouguèt far escrancar coma lo resta en 1632 es tot çò que demòra d'aquèla fortalesa. La torre, jamai presa e residència daus senhors, es veguá coma un daus mai famòs bastiments de son epòca. Daubé l'establiment de mai que d'un convents au sègle detz-e-seten, Crest fuguèt una vila catolica que vouguèt empachar l'esbandiment dau protestantisme dins la region. La torre fuguèt una preson e fins au sègle detz-e-noven, veguèt dins sas muralhassas barrats protestants, libertins, respublicans e condemnats de drech comun. Se pòt veire encuei un molon de graffiti sus las parets que son de testimoniatges vius daus patiments e daus espers daus presoniers. De sas terrassas dau defòra, avèm una vista panoramica de la Vau de Droma que non se pòt pas mai. Aus sègles detz-e-seten e detz-e-ueiten, Crest es una granda vila comerçanta e prospèra. Vei l'esbandiment de l'industri dau drap, dau coton e de la seia. De novèlas fabricas se bastissan. Encuei, la vièlha vila per son traçat, las charrèiras e los quartiers per lors noms nos adusan totjorn una idèia d'aquèu riche passat. Crest, pòrta dau pargue dau Vercòrs, es una vila de mai de 8000 abitants, animaa tanben per d'eveniments culturaus grandàs. Giras a la descubèrta.

Seguissètz los claus de bronze gensats dau blason de la vila plaçats au sòu. Vos sonharètz que se vei que lo traçat de la vila es ordonat d'un biais logic : Tot en naut quilhat sus la cresta, lo senhor( la torre) Dessota, los clergues (los convents e las gleisòlas). En bas, lo pòples (quartier ovrier). Las doas giras se rejunhan au pè de la torre e permetan de descubrir tot lo Crest vielh (doas oras de vesita)

Rochafòrt (una ora de vesita).

Au despart dau pònt Mistral (poëta occitan de Provença), se pòt rejúnher la torre. En passant per la plaça dau merchat au blat, anirètz vès las pòrtas dau quartier populari de Rochafòrt (un còp d'uelh sus la quincalhariá anciana dins la maison Peire de Richard). Arrestètz vos per remirar un daus cinc lavaors de la vila e lo promier collègi (1515). A la finta cima d'un grand eschalier (124 marchas), trovarètz la chapèla daus cordeliers, reconstrucha au secle quatorzen per los fraires de l'òrdre de Sant Francès d'Assisi. Sus las terrassas, aurètz una vista estonanta sus los cuberts de color òcra de la vila vièlha. Dau viòu dau cluchier, veiètz la glèisa Sant Sauvaor (sègle XIX) reconstrucha dins lo sens NS per crear una plaça dau merchat dins l'encastre de la vièlha vila. Dins la vila bassa, los noms de las charrèiras rapelan encara los mestiers d'un còp èra dins aquèu quartier : courre-commère, cuireteries, escorche-boeuf....

Carcavel (una ora de vesita)

Partètz de la torre o de son parcatge. Darrier vestigi daus barris de la vila, la pòrta Montsegur se duèbre sus las caladas de la vila nauta. De la fònt de Saborin au lavaor de Carcavel restontissan encar los racontes occitans daus teisserands dau quartier que chantava lo poëta Roch-Grivel. Charrèira de la rodariá, de la ferronariá, daus chapeliers, totas aquelas petitas charrèiras rapelan las ancianas corporacions de mestiers. Au destorn de la charrèira de las vièlhas presons, la representacion dau blason daus Princis de Monacò atesta de lor pover sus la vila de Crest de 1642 fins a la Revolucion Francèsa (1789). Tots los març a 18 oras en julhet e aòst, l'ofici dau torisme prepausa de vos guidar per vos far descubrir de subjects especiaus, Crest e sos mestiers ancians per exemple. L'achamp se fai davant l'ofici dau torisme.

20. Lo pont de bosc

Sandrine — 2008-11-13T21:44:01Z

En plaça de loar a l'Estat un pònt de ferre a la debuta previst per asseürar la continuitat d'un itinerari bis, la vila de Crest s'es ofert un polit pònt ecologic de bòsc.

Lo pònt de Crest es un obratge rotier a doble sens ; sas caracteristicas permetan lo passatge daus veïcules de 3,5 tonas . sa concepcion permés tanben lo passatge daus ciclistes e daus pedons. lo brojaïs prigond dau projecte a permés a la vila d'aténher dos objectius

botar en òbra ,dins la chausias dau project ciutadin « Crest 2000 –2020 » lo desvelopament de la vila au nòrd e au sud dins de condicions exigentas per l'environament.

partecipar a redinamisar la filièra dau bòsc, ressorça naturala de la region. Aquesta operacion es la prumièra d'una tala amplor ; daubé quasi 100 mètres de portaa,aquèu pònt sus Droma es lo mai long pònt de bòsc en França. Lo partenariat estrech de la comuna,mestre d'obratge, tre la debuta dau projecte, daubé lo CNDB ( comité national pour le developpement du bois), permetèt de realizar aqueste obratge de fran- chissament innovant. Lo pònt de Crest s'inscriu d'ara endavant coma una solucion innovanta per la construccion en bòsc d'estructuras portairas.

Ficha tecnica

Mestre d'obratge : vila de Crest Mestre d'òbra : scetauroute mandataire Architecte : atelier de l'entre Engenhaire en bòsc : arborescence Construccion : entreprise GTM contruction et farget Partenaris : Conseil général de la Drôme Conseil régional Rhone-Alpes, Etat, Union européenne fibois / fibra /cndb Còmptes : 1,5 million d'euros (10 millions de francs)

En mai de l'interest urban e economic seür de la construccion d'un pònt permanent en plaça dau pònt metalic provisòri,la resulta sus l'environament e lo desvelopament toristic de la comuna an encoratjat de chausir d'un biais privilegiat un pònt que baila de valor a l'environament . Diferentas solucions fuguèran desvelopaas segon los criteris seguents :

Esparnhar de sòus en redusent la portaa en botant d'apontèus intermediaris que limitan los destorbaments sus l'idraulica de la ribièra .
Far un obratge de bòsc que sièsse polit en mai d'èsser leugier e d'un naut nivèu tecnic.
Aparar l'estructura de bòsc tre la construccion que la perenitat ne'n sará mai seüra
S'es retenguá la solucion prepausaa cotria per lo ”Cabinet de l'entre” e ” Arborescence” un pònt de bòsc de tres travaas non cubert. L'architecte e l'engenhaire,apassionats per lo bòsc ,an travalhat l'estructura per que prene la fòrma naturala daus aubres. La ramificacion de las branchas espacialas cap a las pilas de betum endralha los esfòrç de compression e permés d'aleujar lo taulier.

Las caracteristicas dau pònt son las seguentas = lonjor totala dau taulier , 92 mètres, reparti´ sus tres travaasde 29+33+29 mètres

larjor totala entre parabandas : 8 mètres doas vias de circulacion de 2,75 m e dos trepadors de 1,25 m. Lo taulier es compausat de quatre nervuras de bòsc lamelat pegat constituit de poassas de Douglas, garat l'aubum, mas de qualitat comuna que n'i a per 60 m3. D'aubres d'aquèla mena ,n'ia de disponibles en Ròse-Aups e dins lo Massis–Centrau. Las superstucturas coma las consòlas que suspòrtan los trepadors, los platelatges e las mans correntas son de bòsc plen. Es de rore per los platelatges e las borduras daus trepadors e de Douglas per las parabandas e las travetas. Quò fai 60 m3 de bòsc plen. La qualitat environementala daus bastiments e mai timidament daus obratges d'art,vai de mai en mai s'impausar aus professionaus coma un criteri decisiu de mai . En tenent còmpte daus engatjaments internacionaus e de la presa de consciència daus efects dau bastit sus l'environament, los decidaires de projects novèus deuràn far evolucionar lors chausias. En poncha ,la mestresa d'òbra, sostenguá per la mestresa d'obratge dau pònt de Crest , a concegut un obratge de franchissament mai respiechós de l'environament :

en integrant l'obratge dins lo caire.
en se siervent dau bòsc,solet materiau de construccion naturau e renovelable que amolona lo gas carbonic.
en chausissent prumier las menas de bòsc localas : arrivant de pas tan luenh ,lo transpòrt adùs pauc de nosements.
en botant las pilas a un endrech respiechant la ribièra, an pas cavat
de mai son liech .
Dubert per la circulacion lo 30 de junh en 2001 après detz mes de chantier,lo pònt de bòsc , los Crestés ne'n son fièrs e los visitaires estrambordats.
Lo pònt de bòsc a reçauput lo pretz “ Territoria 2001” de l'observatòri nacionau de l'innovacion publica e lo label « merci dit la planète » instituït per lo menistèri de l'amenatjament dau territòri e de l'environament.